هو انت لسة بتسأل
انت بالنسبالي ايه
ياللي كنت انت حبيبي
قلبي جرحك كبير عليه
لما تبقي كل همى
لما تمحي حتى حلمي
وأما يفني الجرح دمي
تبقي بالنسبالي أيه
لما تنساني تمل
وتبقي المي اللي فاضلي
والذكرى تبقى زي ظلي
وأما ابكي حتى دمعي
لما أشوفك يبقى أيه
لما أتعذب من أحزانك
ووقت جرحك أكون مكانك!!!
لما ألاقي الشوق فارقني
والكدب وياك خادعني
يبقى أيه اللي غاصبني
ع الهوى اللي أنا عشت فيه!!!
لما تروح مكان ماتروح
وأبقى كارهة حتى اروح
المكان اللي انت فيه
واما اعيش وأحلم بدنيا
أنت ألمها في كل ثانية
ويبقى أي حلم غيرك
على قلبي كتير عليه
كل ثانية تفوت عليا
تملا الدمعة عينيا
وأفضل أبكي على يوم ماشوفتك
وأحاول انسى اليوم ده ليه؟؟؟
مش هقولك يا عيوني
مش هقولك انت كوني
ده الكلام اللي انا قلته
وخلتني اندم عليه
يا حنيني ويا اشتياقي
ياللي جوه القلب باقي
ماتستاهلش انت قلبي
ولا حتى يوم اخاف عليه
لما ينزف جرحي جنبك
يبتسم م الفرحة قلبك
وكل ألم بعدك وقبلك
جوه قلبي بتحفره
والجرح جواه تكبره
لما اقولك مهما أقولك
برده مش هقدر أقولك
انت على بعضك وكلك
غدر قلب وجرح فيه
لسه برضه بتسألني
لسه بتتمني حنين
لسه دمعي بيحلى ليك
عايز تاني مني ايه
عايز تاني مني ايه
الأحد مايو 03, 2009 6:44 am
